Dünya

Türkiyə hərbçilərinin Əfqanıstandan təxliyəsinin başa çatma vaxtı açıqlandı

26 Avqust 2021 10:22
0 Şərh     Baxış: 1 286
VTB-də minimal faiz dərəcəsi ilə nağd kredit 10.49%-dən

Türkiyə hərbçilərini Əfqanıstandan təxliyə edən təyyarə Kabildən havaya qalxıb.

Milli.Az "Report"a istinadən xəbər verir ki, bu barədə Türkiyə Prezidenti Administrasiyasının sözçüsü İbrahim Kalın bildirib.

"Bu gün (dünən) bir təyyarə səmaya qalxıb. Türkiyə əsgərlərinin təxliyəsi 24 ya da 36 saat ərzində başa çata bilər", - İbrahim Kalın deyib.

O, bildirib ki, mülki mütəxəssislər Kabil Hava Limanında fəaliyyətlərini davam etdirə biləcəklər. "Bununla bağlı müzakirələrimiz davam edir", - əlavə edib.

Qeyd edək ki, Türkiyə dünəndən hərbçilərini Əfqanıstandan çıxarmağa başlayıb.

Ölkənin Milli Müdafiə Nazirliyi açıqlamasında bu addımın mövcud vəziyyət və şərtlər qiymətləndirildikdən sonra atıldığını qeyd edib.

Xatırladaq ki, Türkiyə hərbçiləri 2002-ci ildən etibarən Əfqanıstanda xidmət edir.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.