Dünya

Güclü yağışlar səbəbindən Pekində 370-dən çox aviareys ləğv edilib

18 İyul 2021 21:10

0 Şərh Baxış: 904

VTB-də minimal faiz dərəcəsi ilə nağd kredit 9.9%-dən

İki gündür aramsız yağan leysan səbəbindən Pekində 370-dən çox aviareys ləğv edilib.

Milli.Az AZƏRTAC-a istinadən bildirir ki, son 24 saatda Şoudu beynəlxalq aeroportunda güclü yağışlarla əlaqədar 186 reys ləğv olunub, daha 130-a yaxın təyyarə hava limanı tərəfindən ləngimələrlə yola salınıb və ya qəbul edilib. Həmçinin Çin paytaxtının digər aeroportu - Dasin 187 aviareysi ləğv etməyə məcbur olub, 120-dək reysi isə təxirə salıb.

Bələdiyyə meteorologiya bürosunun məlumatına görə, son iki gündə Pekinin bütün rayonlarına azı 50-100 millimetr yağıntı düşüb. Bir sıra yerlərdə isə yağıntının miqdarı 200 millimetri ötüb. Müxtəlif rayonlarda yüzlərlə avtomobil, yeraltı qaraj və qurğular su altında qalıb.

Proqnozlara əsasən, yaxın iki gün ərzində Pekində yağışlar davam edəcək, amma xeyli zəifləyəcək.

Milli.Az