Dünya

İtaliyanın maliyyə polisi saxta “yaşıl pasport” satan şəbəkəni ifşa edib

4 İyul 2021 20:04

0 Şərh Baxış: 530

VTB-də minimal faiz dərəcəsi ilə nağd kredit 10.49%-dən

İtaliyanın maliyyə polisi "yaşıl pasport", saxta rəqəmsal sertifikatlar təklif edən cinayətkarların teleqram mobil tətbiqində yaratdıqları bir neçə kanal və hesablarını aşkarlayaraq onların fəaliyyətini dayandırıb.

Milli.Az AZƏRTAC-a istinadən bildirir ki, cinayətkar şəbəkəyə daxil olan kanal və hesablar müraciət edən şəxsləri "darknet"ə (anonim iştirakçılardan ibarət gizli internet şəbəkəsi) yönləndirib. "Darknet" fəaliyyət göstərən onlayn satış məkanlarında isə kriptovalyuta ilə ödəniş müqabilində saxta rəqəmsal sertifikatlar təklif olunub. Həmin sertifikatlar koronavirusa qarşı peyvənd olunmasını təsdiqləyir və Avropa İttifaqı ölkələri arasında sərbəst gediş-gəliş imkanı yaradır.

Maliyyə polisinin məlumatına əsasən, bir sertifikatın qiyməti 110-130 avro arasında dəyişir və "Telegram" kanallarında minlərlə istifadəçi qeydiyyatdan keçib. Həmin kanallarda eyni zamanda koronavirusa qarşı peyvənd dozaları da satışa çıxarılıb.

Milli.Az