Dünya

Haaqada "Mina ölümlərini dayandır!" tələbi ilə etiraz aksiyası təşkil edilib - FOTO

8 İyun 2021 20:06
Baxış: 264

Niderland Krallığında fəaliyyət göstərən "Ana Vətən" Avropa Azərbaycanlı Qadınlar Birliyi və "Odlar Yurdu" Niderland-Azərbaycan Təşkilatının birgə təşkilatçılığı ilə Haaqa şəhərində səssiz etiraz aksiyası keçirilib.

Diasporla İş üzrə Dövlət Komitəsindən verilən məlumata görə, aksiya iştirakçıları üzərində "Qarabağı minalardan azad et!", "Mina ölümlərini dayandır!" və "#ölkəmiziminalardanazadet!" şüarları yazılmış ağ köynəklər geyinərək Haaqa şəhərinin mərkəzi küçələrində yürüşə çıxıblar. Yürüş Mərkəzi Vağzaldan başlayıb və Beynəlxalq Ədalət Məhkəməsi binasının (Sülh Sarayı) qarşısında aksiya ilə davam etdirilib. Aksiya zamanı Ermənistanın mina xəritələrini Azərbaycana təhvil verməsini, 10 noyabr 2020-ci il tarixli üçtərəfli razılaşmaya qeyd-şərtsiz əməl etməsini tələb edən şüar və təsvirləri əks etdirən plakatlar nümayiş etdirilib. Aksiya ilə maraqlanan yerli sakinlərə Azərbaycandakı mina qurbanları haqqında məlumat verilib.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.