Dünya

12-15 yaş arası uşaqlar “Pfizer”lə peyvəndlənəcək

11 May 2021 16:54
Baxış: 915
VTB-də minimal faiz dərəcəsi ilə nağd kredit 9.9%-dən
#KORONAVİRUS

ABŞ Qida və Dərman İdarəsi (FDA) Amerikanın "Pfizer" və Almaniyanın "BioNTech" şirkəti tərəfindən 12-15 yaş arası uşaqlar üçün istehsal olunan koronavirus peyvəndinin istifadəsini təsdiqləyib.

Milli.Az qafqazinfo-ya istinadən xəbər verir ki, bu barədə FDA komissarı vəzifəsini icra edən Dr. Canet Vudkok açıqlama verib.

"Peyvənd yaşının genişlənməsi epidemiyanı sona çatdıracaq və bizi normal həyata qayıtmağa yaxınlaşdıracaq",- deyə Vudkok bildirib. 

O, təsdiqləmə əməliyyatı tamamlandıqdan sonra dövlətlərin payızda məktəblər açılmadan orta məktəb şagirdlərinə peyvənd verməyə başlaya biləcəyini vurğulayıb. 

Qeyd edək ki, ABŞ əczaçılıq şirkəti "Pfizer" 25 martda alman tərəfdaşı "BioNTech" ilə 6 aydan 11 yaşa qədər uşaqlarda "COVID-19" peyvənd sınaqlarının da başladığını elan etmişdi.

Bir müddət əvvəl isə "Pfizer/BioNTech, ABŞ-da 12-15 yaş arasında 2 260 nəfər üzərində apardığı klinik sınaqların 100 faiz effektivlik göstərdiyini açıqlamışdı. 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.