Dünya

Kazanda məktəbə hücum - 8 şagird öldü, matəm elan olundu - VİDEO - FOTO - YENİLƏNİB

11 May 2021 15:00
Baxış: 3 658

14:59

Rusiyanın Tatarıstan Respublikasında Kazan məktəbindəki faciədən sonra 12 may matəm elan olunub.

"RİA Novosti" xəbər verir ki, bu barədə ölkə prezidentinin mətbuat xidmətinin rəhbəri Liliya Qalimova jurnalistlərə açıqlamasında deyib.

--------

12:05

Tatarıstanın paytaxtı Kazan şəhərində yerləşən orta məktəbə silahlı hücumu həyata keçirən yeniyetmə saxlanılıb.

Milli.Az oxu.az-a istinadən xəbər verir ki, "RİA Novosti" agentliyi bu barədə hüquq mühafizə orqanlarına istinadən xəbər yayıb.

Qeyd edək ki, ən son məlumatlara görə, məktəbdə baş verən atışma nəticəsində səkkiz şagird və bir müəllim öldürülüb. 

-------

11:58

Rusiyada məktəbdə baş vermiş atışma nəticəsində 9 nəfər həlak olub.

Milli.Az Trend-ə istinadən xəbər verir ki, daha 4 nəfər xəsarət alıb.

Ölənlərdən 8 nəfəri şagird, biri müəllim olub.

Qeyd edək ki, Tatarıstanın Kazan şəhərində məktəblərin birində atışma baş verib. Hadisəni törədən 17 yaşlı yeniyetmə saxlanılıb.

Hadisədən sonra Kazanın digər məktəblərində təhlükəsizlilk tədbirləri gücləndirilib.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.