Dünya

Çex-rus diplomatik savaşı: "qardaşlıq abidəsi" boşaldı...

1 May 2021 10:39
Baxış: 822
VTB-də minimal faiz dərəcəsi ilə nağd kredit 9.9%-dən

Rusiya paytaxtının mərkəzindəki Çexiya səfirliyinin binası 1950-ci illərdə Moskva ilə Praqa arasında qardaşlıq abidəsinin nişanəsi olaraq inşa edilib. Nəhəng və heyranedici bina çox sayda insanın işi üçün nəzərdə tutulmuşdu.

Milli.Az Axar.az-a istinadən xəbər verir ki, bu barədə "Faynənşl Tayms" nəşrində dərc olunan məqalədə bildirilib.

"Bu gün burada yalnız beş akkreditə olunmuş diplomat çalışır. Buna görə hər biri yalnız kompleksin üç mərtəbəsini tuta bilər", - məqalədə vurğulanıb.

Nəşr qeyd edib ki, çex diplomatlar iki həftədir Rusiya ilə Qərb arasında davam edən diplomatik müharibənin ən böyük qurbanları olub:

"Bu müddət ərzində hər iki tərəf diplomatları ölkədən çıxardı. Rus diplomatların əksəriyyəti Rusiya ilə tarixi əlaqələri olan Şərqi Avropa ölkələri tərəfindən qovuldu - Baltikyanı ölkələrdən Bolqarıstana qədər. Bu, bölgə ilə Moskva arasındakı münasibətlərin çətin durumda olduğunu və qalan diplomatlarla münasibətlərin yenidən qurulmasının nə qədər çətin olacağını ortaya qoyur.

Diplomatların əksəriyyəti Praqa Rusiya casuslarını 2014-cü ildə Çexiyanın silah anbarında partlayış təşkil etməkdə günahlandırdıqdan sonra qovuldu. Sonra iki nəfər öldü. Çexiya hökuməti daha sonra 18 rus diplomatı evə, Moskva isə bunun müqabilində 20 Çexiyaya göndərdi. Sonra Çexiya tərəfi hər iki ölkənin diplomatik nümayəndəliklərindəki personal sayının eyni olmasını tələb edərək, daha 63 rusu qovdu".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.