Dünya

Rusiyada taun virusu tapıldı

4 Aprel 2021 18:32
Baxış: 451

Rusiyada Afrika donuz taununun yeni ocağı aşkarlanıb.

Milli.Az APA-ya istinadən bildirir ki, Kominin Sıktıvdinsk rayonunun Malaya Sluda kəndində şəxsi təsərrüfatlardan birində Afrika donuz taunu aşkarlanıb.

Komi Region Hökuməti hazırda taunun aşkarlandığı məkanda mütəxəssislərin taunun yayılmasının qarşısının alınması və ocağın lokallaşdırılması üçün çalışdığını açıqlayıb.

Bundan əvvəl 2021-ci ilin fevralında Komidə Sıktıvkar yaxınlığında başqa bir şəxsi yardımçı təsərrüfatda Afrika donuz taunu ocağı aşkarlanıb. Taun 13 heyvanın ölümünə səbəb olub. Fevralın 15-dən Sıktıvkar və Sıktıvdinsk rayonlarında, o cümlədən qismən Kortkerossk rayonunda Afrika donuz taunu ilə əlaqədar fövqəladə vəziyyət rejimi tətbiq olunur. Karantin zonasında 840-dan çox donuz tələf edilib.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.