Dünya

PKK Türkiyəyə qarşı məkrli plan hazırlayır - Qazançı

7 Mart 2021 15:14
Baxış: 894
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İraq Türkman Cəbhəsi İdarə Heyətinin üzvü Hicran Qazançı PKK tərəfindən Türkiyəyə qarşı məkrli planın hazırlandığını bildirib.

Milli.Az Publika.az-a istinadla xəbər verir ki, H.Qazançının dediklərinə görə, Sincarda olan 2500 PKK terrorçusuna təlim keçiriləcək və təlim dərsləri əsnasında pilotsuz uçuş aparatları sistemindəki məlumatlar da onlara öyrədiləcək.

"Əvvəlcə Sincardakı 2500 PKK terrorçusuna bir sıra təlimlər keçiriləcək, sonra isə müasir mərmilər və PUA sistemləri ilə texnologiya müharibəsi bilgisi alacaqlar. ABŞ-ın 2015-ci ildən bəri təkbaşına həyata keçirdiyi yeni dizayn işi hərbi olaraq NATO-ya ötürülür. İraq və Suriya üçün isə yeni bir dövr başlayır", - Qazançı qeyd edib.

Digər tərəfdən, NATO Baş katibi Yens Stoltenberq İraqdakı əsgər sayını artıraraq 500-dən 4 minə çatdıracaqlarını açıqlayıb. Stoltenberqin verdiyi açıqlamada İraq ordusu ilə birlikdə "məhəlli və ya lokal" qüvvələrin hazırlanmasına və təchiz edilməsinə işarə edilib. H.Qazançı NATO-nun heyətartırma qərarının yaxın gələcəkdə başlayacaq yeni proqram olduğunu bildirib.

Milli.Az 
 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.