Dünya

Bağdad Əmrəyev: “Azərbaycanla çiyin-çiyinəyik”

26 Fevral 2021 16:39
Baxış: 654
VTB-də minimal faiz dərəcəsi ilə nağd kredit 9.9%-dən

Türkdilli Dövlətlərin Əməkdaşlıq Şurasının (Türk Şurası) Baş katibi Bağdad Əmrəyev Xocalı soyqırımının 29-cu ildönümü ilə bağlı açıqlama verib.

Milli.Az bildirir ki, o, 26 fevral 1992-ci ildə Dağlıq Qarabağın Xocalı şəhərində erməni qüvvələrinin arasında yaşlı, qadın, uşaq və körpələrin də olduğu günahsız insanları qətlə yetirdiyini xatırladıb.

Əmrəyev açıqlamasında Azərbaycanın qazandığı qələbə nəticəsində ədalətin bərqərar olduğunu bildirib.

"Bütün dünyanın şahid olduğu kimi, ədalət öz yerini tapdı və qardaş Azərbaycanın Qarabağdakı işğal olunmuş əraziləri uğrunda qanuni mübarizəsi qələbə ilə nəticələndi. Bu qələbə bütün Türk dünyası üçün qürur və xoşbəxtlik mənbəyi oldu.

Xocalının ağrılı xatirəsi şübhəsiz ki, azərbaycanlı qardaşlarımızın qəlbində yaşayır. Bu münasibətlə Türk Şurası olaraq Xocalı soyqırımı qurbanlarını hörmətlə anır, Azərbaycan xalqına və hökumətinə başsağlığı veririk. Türk dünyası olaraq Azərbaycanla çiyin-çiyinə dayanmağa davam edirik", - deyə B.Əmrəyev qeyd edib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.