Dünya

Myanmada ümumi tətil başlayıb - FOTO

23 Fevral 2021 10:28

Baxış: 1 083

VTB-də minimal faiz dərəcəsi ilə nağd kredit 9.9%-dən

#DÜNYADA #MYANMAR

Myanmanın iri şəhərlərində on minlərlə insan fevralın 1-də baş vermiş hərbi çevrilişə qarşı etiraz əlaməti olaraq küçələrə çıxıb.

Bu barədə "Qafqazinfo" "BBC"nin rus xidmətinə istinadən xəbər verir.

Hərbi hökumət xəbərdarlıq edir ki, etirazçılar təhlükəli yola düşüb və onların hərəkətləri insan tələfatına səbəb ola bilər.

Etirazçılar hərbçilərin hakimiyyətdən kənarlaşdırılmasını, faktiki Myanma lideri Aun San Su Çjinin və onun "Demokratiya Uğrunda Milli Liqası"nın rəhbərliyinin dərhal azadlığa buraxılmasını tələb edir.

Nümayişlər bütün böyük şəhərlərdə keçirilir. "Frontier" nəşrinin redaktoru Tompson Çaunun sözlərinə görə, mövcud etirazlar daha kütləvidir, daha çox yollar bağlanıb, mağazalar isə hər yerdə bağlıdır. O deyib ki, etirazlara hətta dövlət sektorunun işçiləri: jurnalistlər, həkimlər, vergi və kommunal xidmət əməkdaşları qatılıb.

Artıq yeni etiraz dalğasını Myanma tarixində ən qanlı səhifələrdən biri olan 1988-ci il avqust üsyanı ilə müqayisə edirlər. O vaxt yüzlərlə nümayişçi hərbçilər tərəfindən öldürülmüşdü.

Milli.Az