Dünya

Tailand turizm vergisi tətbiq edəcək

18 Yanvar 2021 21:00
Baxış: 589
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Tailand hökuməti 10 ABŞ dolları məbləğində turizm vergisi tətbiq edəcək.

Milli.Az APA-ya istinadən bildirir ki, sözügedən verginin tətbiqi ideyası krallıqda hələ 2016-cı ildən bəri müzakirə olunur.

Hazırda yeni turizm vergisinin tətbiqi ilə bağlı qərar qüvvəyə minməyib.

"Taİlandın turizm və idman naziri Phiphat Ratçakitprakarn ölkəyə gələn hər bir xarici qonağın 300 Tailand batı (təxminən 10 dollar) ödəməli olduğunu açıqlayıb. Eyni zamanda məlum olub ki, vergi ötən il qüvvəyə minməli idi, lakin qərar bu ilədək təxirə salınıb", - portal qeyd edir.

Turizm vergisindən əldə olunan vəsait qismən səyahət sığortası və turistlərin tez-tez ziyarət etdiyi yerlərin infrastrukturunun yaxşılaşdırılmasına yönəldiləcək.

Xatırladaq ki, Tailand 2021-ci ildə 10 mln. turist qəbul etmək niyyətindədir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.