Dünya

Litva Gürcüstanın adını dəyişdi

11 Yanvar 2021 19:04
Baxış: 889

Litvada rəsmi sənədlərdə Gürcüstan dövlətinin adı bundan sonra Sakartvelo adlandırılacaq.

Milli.Az qafqazinfo-ya istinadən xəbər verir ki, bu barədə Litva Dili Dövlət Komissiyasının sədri Audris Antanaitis açıqlama verib.

"Bu andan etibarən Sakartvelo rəsmi addır",- deyə Antanaitis qeyd edib.

Bildirilib ki, yenidən adlandırma qərarı iki il əvvəl verilib. O zaman Antanaitis, Gürcüstan yerinə ölkənin ikinci qeyri-rəsmi adı olan "Sakartvelo" adının istifadə edilməsini təklif etmişdi.

"Cəmiyyətin bu adı qəbul etmək istəyini görmək üçün keçid dövrü keçdi. Cəmiyyətdə qeyri-adi sürətlə kök saldığı göz qabağındadır. Bunun 20 ildə baş verəcəyini proqnozlaşdırmışdım, ancaq iki il çəkdi. Bu, həqiqətən gözlənilməz oldu",- deyə sədr sözlərinə əlavə edib.

Qeyd edək ki, komissiya 21 dekabr 2020-ci ildə dövlətlərin rəsmi adlarını təyin edən sənəddən "Gruzija" sözünü çıxarıb.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.