Dünya

Tramp Flinni əfv edib

26 Noyabr 2020 20:35
Baxış: 508

Prezident Donald Tramp milli təhlükəsizlik üzrə sabiq müşaviri Maykl Flinnin əfvi barədə sərəncam imzalayıb.

Milli.Az AZƏRTAC-a istinadən bildirir ki, 2017-ci ildə Flinn Rusiyanın ABŞ-da 2016-cı ildə keçirilən prezident seçkilərinə ehtimal edilən müdaxiləsinin araşdırılması zamanı Federal Təhqiqatlar Bürosunun agentlərinə yalan ifadələr verməkdə təqsirkar olmasını etiraf edib.

Flinn 2017-ci ilin yanvarında Trampın inauqurasiyasından əvvəlki bir neçə həftə ərzində Rusiyanın ABŞ-dakı sabiq səfiri ilə əlaqədə təqsirləndirilir. Həmin vaxtdan Flinn öz təqsirinin etirafından imtina etməyə çalışıb, prokurorluq tərəfindən onun hüquqlarının pozulduğunu və aldatma yolu ilə təqsirini boynuna alması barədə onunla razılaşma bağladığını iddia edib. Flinnə hökmün oxunması tarixi bir neçə dəfə təxirə salınıb.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.