İdman

Serxio Ramos: "Ardaya kifayət qədər şansı verilsə, onu keçə bilər"

19 Sentyabr 2026 11:46

Baxış: 299

VTB-də minimal faiz dərəcəsi ilə nağd kredit 9.9%-dən

#REAL MADRİD #FUTBOL #PRİMERA #ARDA GULER

Əfsanəvi müdafiəçi Serxio Ramos Türkiyə millisinin və "Real Madrid"in futbolçusu Arda Güler haqqında diqqətçəkən fikirlər səsləndirib.

Milli.Az Türkiyə mətbuatına istinadən xəbər verir ki, Ramos gənc yarımmüdafiəçini Avropanın ən yaxşı hücumameyilli orta sahə oyunçularından biri hesab etdiyini bildirib.

"Arda Güler xüsusi futbolçudur və məncə, artıq Avropanın ən yaxşı hücumameyilli yarımmüdafiəçilərindən biridir. Dürüst olmaq lazımdırsa, meydanın son üçdəbirində onun keyfiyyəti ilə rəqabət apara biləcək çox yarımmüdafiəçi görmürəm.

Onunla eyni səviyyədə dəyərləndirə biləcəyim yeganə futbolçu Cud Bellinqemdir. Lakin Arda kifayət qədər oyun şansı əldə etsə, hətta onu da geridə qoya bilər.

"Barselona"da Pedri haqqında danışıldığını eşidəndə gülürdüm. Ardanın istedadı tamamilə başqa səviyyədədir. Onun görmə qabiliyyəti, texnikası və heç nədən təhlükə yarada bilməsi möhtəşəmdir.

Ona sadəcə sabitlik və baş məşqçisinin etimadı lazımdır. Ardaya müntəzəm oynamaq imkanı verin, hər kəs nəyi nəzərdə tutduğumu anlayacaq. İnsanlar geriyə baxaraq bu uşaq haqqında niyə şübhə etdiklərini düşünəcəklər.

Məncə, Arda Güler bu gün futbol dünyasının ən yaxşı hücumameyilli yarımmüdafiəçiləri arasında mübahisəsiz şəkildə yer alır", - deyə Serxio Ramos bildirib.

Müəllif: Tural Hüseyn (Milli.Az redaktor)