Dünya

Trampdan Rusiyaya qarşı sərt addım - İmzaladı

19 Sentyabr 2026 11:21

Baxış: 305

VTB-də minimal faiz dərəcəsi ilə nağd kredit 9.9%-dən

#RUSSİA #ABŞ #DONALD TRAMP

ABŞ Prezidenti Donald Tramp Rusiyaya qarşı sanksiyalar haqqında qanun layihəsini imzalayıb.

Milli.Az lent.az-a istinadən bildirir ki, sənəd mərhum senator Lindsi Qremin adını daşıyır və "2026-cı il Lindsi O. Qremin Rusiya və İrana qarşı sanksiyalar haqqında qanunu" adlanır.

Qanun Rusiyanın ali rəhbərliyinə, oliqarxlarına və onların ailə üzvlərinə, bank və enerji sektorundakı şirkətlərə, eləcə də Rusiyanın "kölgə donanması"na aid edilən gəmilərə qarşı sanksiyaları nəzərdə tutur. Sənəddə həmçinin Rusiya nefti və qazının alıcılarına qarşı sanksiyaların tətbiqi imkanları da yer alır.

Qanun ABŞ prezidentinə Rusiyanın neft və qazının ən böyük alıcıları sırasında olan üçüncü ölkələrin mallarına 100%-dək gömrük rüsumu tətbiq etmək səlahiyyəti verir. Rusiyadan ABŞ-a ixrac olunan məhsullara isə 500%-dək rüsum tətbiq edilə bilər.

Qeyd edək ki, qanun layihəsi sentyabrın 16-da ABŞ Konqresinin Nümayəndələr Palatasında 262 səslə qəbul edilib. 159 konqresmen sənədin əleyhinə səs verib. Senat isə qanun layihəsini avqust ayında təsdiqləyib.

Müəllif: Tural Hüseyn (Milli.Az redaktor)