Dünya

Tramp onu hava limanında şəxsən qarşılayacaq

19 Sentyabr 2026 12:43

Baxış: 1 117

VTB-də minimal faiz dərəcəsi ilə nağd kredit 9.9%-dən

#CHİNA #ABŞ #DONALD TRAMP

Çin Xalq Respublikasının Sədri Si Cinpin gələn həftə ABŞ-a dövlət səfəri edəcək.

Milli.Az AZƏRTAC-a istinadən bildirir ki, Si Cinpinin təyyarəsi sentyabrın 23-də Vaşinqton yaxınlığındakı "Endryus" hərbi bazasına enəcək. ABŞ Prezidenti Donald Tramp Çin liderini şəxsən qarşılamaq üçün bazaya gedəcək. Bu, qeyri-adi protokol addımı sayılır, çünki Tramp xarici liderləri adətən Ağ Evdə qarşılayır.

Səfərin əsas tədbirləri sentyabrın 24-də keçiriləcək. Donald Tramp və birinci xanım Melaniya Tramp Si Cinpinlə həyat yoldaşı Pen Liyuanı Ağ Evdə təşkil olunacaq rəsmi qarşılama mərasimində qəbul edəcəklər.

Tramp və Si Cinpin Ağ Evin Gül bağında fəxri qarovul dəstəsinə baxış keçirdikdən sonra qapalı görüş keçirəcəklər. Liderlərin danışıqları zamanı Melaniya Tramp və Pen Liyuan üçün ayrıca proqram nəzərdə tutulub. Proqramın təfərrüatları açıqlanmayıb.

Qeyd edək ki, bu, Çin liderinin son on ildən artıq müddətdə ABŞ-a ilk dövlət səfəridir.

Müəllif: Tural Hüseyn (Milli.Az redaktor)