Dünya

Ermənistanda müxalif fraksiyalar parlamentin iclasını boykot etdi

18 Noyabr 2020 11:47
Baxış: 519

"Maariflənmiş Ermənistan" və "Çiçəklənən Ermənistan" partiyalarının təmsil etdiyi parlament müxalifəti Ermənistan parlamentinin bu gün keçirilən iclasını boykot edib.

"Qafqazinfo" "Sputnik Ermənistan"a istinadən xəbər verir ki, iclasda yalnız "Mənim addımım" fraksiyasından olan millət vəkilləri iştirak ediblər. Hakim blok üzvləri bir kvorum təmin etməyi və gündəmdəki məsələlərin müzakirəsinə başlamağı bacarıblar.

Müxalifət fraksiyalar Baş nazir Nikol Paşinyan tərəfindən imzalanan Qarabağla bağlı üçtərəfli bəyanatın dərhal müzakirəsini tələb edirlər.

Xatırladaq ki, 10 noyabrdan etibarən Ermənistanda Baş nazirin istefası tələbi ilə mitinqlər və yürüşlər keçirilir. Xalqın narazılığına səbəb Ermənistanın Qarabağla bağlı üçtərəfli bəyanatı imzalaması olub.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.