Dünya

Koronavirusun üçüncü dalğası da gözlənilir

12 İyul 2020 17:19
Baxış: 1 570

Amerikalı həkim Çad Kriliç yeni növ koronavirus infeksiyasının daha bir dalğasının yaxınlaşdığını proqnozlaşdırıb.

Milli.Az qafqazinfo-ya istinadən xəbər verir ki, mütəxəssisin fikrincə, dövlətlər və insanlar lazımi tədbirlər görməzsə, yoluxanların sayı daha da artacaq. O xatırladıb ki, ABŞ mayda məhdudiyyətləri aradan götürməyə başladıqdan sonra xəstələnənlərin sayı artıb. Kriliç əsas diqqəti insanları dərman vasitələri, test sistemləri və qoruyucu vasitələrlə təmin etməyə yönəldib.

Bununla belə, qripin yayılması fonunda dünyanı koronavirusun daha bir - üçüncü dalğası da gözləyir. Həmin dalğanın meydana gəlməsi insanların davranışlarından və Covid-19 peyvəndinin tapılmasından asılı olacaq.

"Bu, üç aktlı oyun kimi bir şeydir və biz indi ikinci aktdayıq. Daha sonra üçüncü olacaq", - deyə Kriliç bildirib.

Qeyd edək ki, hazırda dünyada 12 milyondan çox koronavirus xəstəsi var.

Milli.Az

loading...

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.