Dünya

Gənc qıza seksual orientasiyasına görə işgəncə verilib, “içindən cin çıxarılıb”

21 Yanvar 2020 21:42
5 Şərh     Baxış: 3 503
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

22 yaşlı Qroznı sakini Aminat Lorsanova Rusiya İstintaq Komitəsinə ərizə ilə müraciət edərək, öz valideynlərinə, valideynlərinin dostlarına və Boev adına Psixoloji Xəstəliklər Klinikasının həkimlərinə qarşı cinayət işinin açılmasını tələb edir. Onun sözlərinə görə, 2018-ci ildə o, seksual orientasiyasına görə iki dəfə eyni xəstəxanada bir aydan çox işgəncələrə məruz qalıb. Bu barədə Rusiya-nın LGBT şəbəkəsi xəbər verib. Rusiya istintaq komitəsi isə məlumatla bağlı heç bir məlumat verməyib.

Milli.Az "Amerikanın səsi"nə istinadən bildirir ki, ilk dəfə 2018-ci ilin avqustunda Qroznıdakı klinikaya göndərilən Aminat 25 gün orada qalıb. Bundan sonra o, daha dörd ay Qroznıdakı Respublika psixonevroloji dispanserində keçirib. Aminat iddia edir ki, bu müddət ərzində atasının tanışı onu bir neçə dəfə Quran oxuya-oxuya taxta çubuqla döyüb. Aminatın dediyinə görə o bütün bunları "onun cin içindən çıxartmaq" üçün edib.

"O, günəş pleksusuma çubuqla vururdu, əynimdəki köynəyi qaldırıb barmaqları ilə oranı sıxırdı. Daha sonra o ətəyimi endirib, həmin nahiyəni də sıxırdı. Bütün bunlar dəhşətli ağrılar və onun mənim sağ qulağıma dua oxuması ilə keçirdi. Anam və atam prosesi sakitcə izləyirdi. Hətta mən köməyə çağırıb, buna son qoymalarını istəyəndə belə, onlar heç nə etmədilər" - deyə, Aminat bildirib.

Bundan başqa, qızın sözlərinə görə, atası ona 2018-ci ilin sonunda azı altı dəfə zorla trankvilizator iynəsi vurub.

"Atam əllərimə qandal vurub, ayaqlarımı və ağzımı yapışqan lentlə bağlayırdı. O, mənimlə heyvan kimi rəftar edəcəyini deyirdi" - deyə zərərçəkən qeyd edib. "Bundan sonra atam zorla mənə xlorpromazin iynəsi vuraraq yatızdırırdı. Ayaqlarımı belə açmadan, əllərim və ayaqlarım bağlı, üzü divara bir vəziyyətdə yatırdım", o deyib.

Aminat Lorsanova 2019-cu ilin aprelində Çeçenistanı tərk edib. Rusiyanın LGBT şəbəkəsi isə ona ölkəni tərk etməyə yardım edib. Rusiyanın LGBT şəbəkəsinin təcili yardım proqramının koordinatorunun sözlərinə görə, Lorsanovaya kömək etdikləri üçün 2019-cu ilin 17 mayında naməlum şəxslər könüllülərdən birinin mənzilinə girib və hədə-qroxu gələrək sorğu-sual ediblər. Onlar könüllünü fiziki zorakılıq və qətllə hədələyərək Aminatı və proqramın koordinatorunu axtardıqlarını qeyd ediblər.

Rusiyanın LGBT şəbəkəsinin məlumatına görə, "cinlərin bədəndən çıxarılması təcrübəsi" həm Çeçenistanın özündə, həm də respublikadan kənarda yaşayan çeçen ailələrində LGBT+ üzvləri üzərində geniş tətbiq olunur. Rusiyanın LGBT şəbəkəsindən Veronika Lapina könüllülərin yardım etdiyi 30-dan çox gənc qadının bu təcrübədən əziyyət çəkdiyini bildirir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.