Dünya

"Dinc addımlar yerinə Ermənistan tərəfindən növbəti təxribatçı bəyanatlar eşidilir" - Rusiyalı politoloq

18 Yanvar 2020 12:13
0 Şərh     Baxış: 1 331
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanla Ermənistan arasında danışıqların nəticəsi hər iki dövlətin birinci şəxsləri tərəfindən ətraflı fəaliyyət planının əks olunduğu sənədin imzalanması olmalıdır, fəaliyyət planı isə Ermənistan hakimiyyətinin nəzarətində olan qondarma "Dağlıq Qarabağ Respublikası"nın ətrafında işğal altındakı yeddi rayonun Bakının nəzarətinə qaytarılması, eləcə də etnik təmizləmələr nəticəsində regionu tərk etmiş azərbaycanlı məcburi köçkünlərin doğma yurdlarına qayıtmasını əhatə etməlidir.

Milli.Az xəbər verir ki, bunu Trend-ə rusiyalı politoloq Vitali Arkov deyib.

O bildirib ki, Ermənistan tərəfindən işğal olunmuş yeddi rayonun Bakının nəzarətinə qaytarılması, eləcə də azərbaycanlı məcburi köçkünlərin doğma yurdlarına qayıtması sülh planının birinci paketinə aiddir və bununla bağlı danışıqlar ATƏT-in Minsk qrupunun həmsədrlərinin vasitəçiliyi ilə birinci il deyil ki, davam edir. Politoloq əlavə edib ki, bunun reallaşdırılması çoxdan başlamalı idi.

Politoloqun sözlərinə görə, amma Ermənistan tərəfi hər dəfə danışıqlar prosesinin uzadılması və sülh planının reallaşdırılmasının başlamasının qeyri-müəyyən müddətə təxirə salınması üçün bəhanələr tapır: "Bu, Ermənistanda hakimiyyətin real yanaşmasını nümayiş etdirir: torpaqların işğaldan azad edilməsi olmasın, azərbaycanlı qaçqınların qaytarılması olmasın, zorla əllərindən alınmış əmlaka görə təzminat olmasın və s.".

V.Arkov yekunda bildirib ki, formal olaraq Yerevan danışıqlarda iştirak edir, onun nümayəndələri isə azərbaycanlı qaçqaınların və onların övladlarının Dağlıq Qarabağa qayıtmasında maneə olmadığını bildirir, amma əslində isə onların əməlləri sözlərindən fərqlənir: "Dinc addımlar yerinə erməni siyasətçilər tərəfindən növbəti təxribatçı bəyanatlar eşidilir, erməni hərbçilər tərəfindən isə insan itkilərinə gətirib çıxaran təmas xəttində növbəti təxribatlar müşahidə edilir".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.