Dünya

İran Prezidenti: "ABŞ geri çəkilməyə məcbur oldu"

16 Yanvar 2020 15:27
4 Şərh     Baxış: 1 401

İranın İraqda ABŞ-ın Eynül-Əsəd hərbi bazasına hücumdan sonra ABŞ geri çəkilməyə məcbur oldu.

Milli.Az Trend-ə istinadən xəbər verir ki, bunu İran prezidenti Həsən Ruhani İranın Mərkəzi Bankının 59-cu forumunda deyib. H.Ruhaninin sözlərinə görə, ABŞ-ın çox önəmli regional hərbi bazasını raketlə atəşə tuta biləcək çox az ölkə var.

Ruhani əlavə edib ki, İranın gecə ikən ABŞ-ın hərbi bazasına hücumu Pentaqonu 24 saat ərzində oyaq saxladı. Bu da ABŞ-ı İranı hədələməkdən geri çəkilməyə məcbur etdi.

İran prezidenti bildirib ki, ABŞ prezidenti Donald Tramp İranın reaksiya verdiyi halda, ABŞ-ın İranın 52 önəmli obyektini, o cümlədən mədəni və tarixi obyektini məhv edəcəyini bildirmişdi. Lakin İranın hücumu onun bu danışıq ritorikasını dəyişdirdi.

Qeyd edək ki, 3 yanvarda ABŞ-ın hücumu nəticəsində İran İslam İnqilabı Keşikçilər Korpusunun Qüds qüvvələri komandanı general Qasim Süleymani və bir neçə nəfər öldürülüb. İran bu hücuma reaksiya olaraq 8 yanvarda İraqda ABŞ-ın hərbi bazasına raket hücumu həyata keçirib.

Milli.Az

Şərh yaz:

4 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.