Dünya

Yusif Eyvazovla bağlı xəbər yalan çıxdı - YENİLƏNİB

14 Yanvar 2020 10:57
15 Şərh     Baxış: 4 456
VTB-də minimal faiz dərəcəsi ilə nağd kredit 10.49%-dən

10:57

"Forumopera.com" xəbər portalı Azərbaycanın Xalq artisti Yusif Eyvazovla bağlı yaydığı məlumatı təkzib edib.

Milli.Az qafqazinfo-ya istinadən xəbər verir ki, dünən məşhur tenor ifaçısının milliyətcə erməni soprano Ruzan Mantaşyanla siyasi səbəblərdən bir səhnədə çıxış etməkdən imtina etməsi barədə dərc etdiyi xəbərin doğru olmadığını qeyd edib.

Təkzib xəbərində bildirilib ki, tenor bu məsələdə heç vaxt kiçik irad səsləndirməyib və bu, anlaşılmazlıq ola bilər.

Y.Eyvazovun özü də sözügedən açıqlamanı instaqram səhifəsində paylaşıb. O, baş verənlər barədə danışıb: "Əziz dostlar, mən azərbaycanlıyam və Azərbaycanla Ermənistan arasındakı vəziyyətə dair tamamilə aydın bir fikir və düşüncəm var, amma siyasi görüşlərim heç vaxt peşəmə və səhnədəki fəaliyyətimə təsir etmir. Bolşoy Teatrda dəfələrlə Mariya Qule qina və Qevorq Akopyan ilə birlikdə səhnəyə çıxdığım buna sübutdur. Buna görə təsdiqlənmiş məlumatlara etibar edin və təxribat xarakterli informasiyaları bundan sonra yaymayın. Təxribata yol verməyin".

Həmçinin konsertin keçiriləcəyi məkan- "Semper Opera Ball" da informasiyaların yanlış olduğunu vurğulayıb. Mərkəzin rəhbərliyi Y. Eyvazovun bu cür sövdələşməyə girmədiyini söyləyib. Həmçinin Ruzan Mantaşyanın fevralın 7-də "Opera Ball"da çıxışı üçün müqavilə imzalanmayıb.

---------
08:38

Azərbaycanın Xalq artisti, dünyaca məşhur tenor Yusif Eyvazov milliyətcə erməni soprano Ruzan Mantaşyanla bir səhədə çıxış etməkdən imtina edib. Milli.Az "qafqazinfo"-ya istinadən xəbər verir ki, bu barədə "Forumopera.com" xəbər verib.

"Milliyətcə azərbaycanlı Yusif Eyvazov siyasi səbəblərdən milliyətcə erməni soprano Ruzan Mantaşyanla bir səhnədə çıxış etməkdən imtina etdi", - mənbə yazıb.

Qeyd edək ki, ifaçılar fevralın 7-də məşhur Drezden opera balının bağlanış mərasimində iştirak etməlidirlər.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.