Dünya

TBMM hücum üçün Ərdoğana icazə verdi

8 Oktyabr 2019 23:53
1 Şərh     Baxış: 1 811
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İraq və Suriyada əməliyyatların keçirilməsi ilə əlaqədar prezidentə verilən icazənin müddətinin bir il uzadılmasını nəzərdə tutan qərar Türkiyə Böyük Millət Məclisində (TBMM) qəbul edilib.

Milli.Az publika.az-a istinadən xəbər verir ki, Prezident Rəcəb Tayyib Ərdoğanın imzası ilə göndərilən sənəddə Türkiyənin cənub quru sərhədlərində baş verən proseslərin milli təhlükəsizlik baxımından yaratdığı risk və təhdidlərin getdikcə artdığı bildirilib.

"İraqda PKK və İŞİD ünsürlərinin varlığını davam etdirməsi, etnik əsaslı separatizmə yönəlik cəhdlər regional sülhə, sabitliyə və ölkəmizin təhlükəsizliyinə birbaşa təhdid yaratmaqdadır. Suriyada mövcudluğunu davam etdirən PKK/PYD-YPG və İŞİD terror təşkilatları ölkəmizə qarşı hərəkətlərini davam etdirirlər", - sənəddə qeyd edilib.

Sənədə əsasən, İraq və Suriyada əməliyyatların keçirilməsi ilə əlaqədar prezidentə verilən icazənin müddəti 30 oktyabr 2019-cu ildən başlayaraq bir il uzadılıb.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.