Dünya

Gürcüstanda ərzaq və gündəlik tələbat məhsulları bahalaşıb

4 Oktyabr 2019 07:07
1 Şərh     Baxış: 708

Gürcüstanda ərzaq və gündəlik tələbat məhsullarının qiyməti artıb.

Milli.Az AZƏRTAC-a istinadən bildirir ki, bu barədə Gürcüstanın Milli Statistika İdarəsinin hesabatında deyilir.

Bildirilir ki, sentyabrda ölkədə istehlak qiymətləri indeksi aylıq müqayisədə 1,7 faiz artıb. İllik müqayisədə isə qiymətlərdə 5,7 faiz artım qeydə alınıb.

Ötən ay ərzaq məhsulları və alkoqolsuz içkilərin qiyməti 3,3 faiz, qənd, cem, bal, şokolad və qənnadı məmulatlarının qiyməti 1,6 faiz, süd, pendir və yumurtanın qiyməti 8,1 faiz, balığın qiyməti isə 0,8 faiz artıb. Meyvə və üzümün qiymətində 9,8 faiz, tərəvəzin qiymətində 2,7 faiz bahalaşma qeydə alınıb.

Ölkədə illik inflyasiya 6,4 faiz olub. İl ərzində ərzaq məhsulları və alkoqolsuz içkilərin qiyməti 11,7 faiz, alkoqollu içkilər və tütünün qiyməti 14,6 faiz, nəqliyyat xərcləri 3,9 faiz, istirahət xərcləri 6,9 faiz, səhiyyə xərcləri isə 4 faiz artıb.

İqtisadçı ekspertlərin fikrincə, ərzaq və gündəlik istehlak mallarının bahalaşması, ilk növbədə milli valyuta GEL-in dollar qarşısında dəyərini itirməsi ilə bağlıdır. Ekspertlər hesab edirlər ki, dünya bazarında benzin və dizel yanacağının qiymətlərindəki dəyişiklik də istehlak mallarının qiymətinin artmasında mühüm rol oynayıb.

Milli.Az

loading...

Şərh yaz:

1 Şərh:

  • Anonim
    Sss · 4 Oktyabr 08:1210

    Utanmirsiz e ,bizde de günde artır da! Qepik qepik artirirsiz ki, hiss olunmasin!!!

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.