Cəmiyyət

Azərbaycan Limada mədəniyyəti və turizm xəzinələrini nümayiş etdirib - (Foto)

29 Sentyabr 2026 10:42

Baxış: 222

VTB-də minimal faiz dərəcəsi ilə nağd kredit 9.9%-dən

Perunun paytaxtı Limanın Miraflores rayonunda Beynəlxalq Mədəniyyət, Turizm və Təhsil Sərgisi keçirilib. Sərgidə dünyanın müxtəlif ölkələrinin səfirlikləri, eləcə də təhsil və mədəniyyət mərkəzləri olmaqla, ümumilikdə 39 ölkə iştirak edib.

Milli.Az xəbər verir ki, Azərbaycanın da təmsil olunduğu sərgidə ölkəmizin zəngin mədəni irsi, turizm potensialı, milli dəyərləri və tarixi abidələri geniş ictimaiyyətə təqdim olunub.

Ümumdünya Turizm Günü çərçivəsində təşkil olunan sərginin açılış mərasimində Miraflores rayonunun bələdiyyə başçısı, diplomatik korpusun nümayəndələri və digər rəsmi şəxslər iştirak ediblər.

Azərbaycanın stendi sərgi ziyarətçilərinin xüsusi marağına səbəb olub. Ziyarətçilərə Azərbaycanın əsas turizm məkanları, zəngin tarixi və mədəni irsi, o cümlədən Qız qalası, Şuşa qalası və digər mühüm tarixi abidələri barədə məlumat verilib. Eyni zamanda, ölkənin turizm imkanlarını əks etdirən müxtəlif tanıtım materialları təqdim olunub.

Üç gün davam edən sərgini 100 mindən çox insan ziyarət edib. Tədbir Perunun yerli media vasitələrində də geniş işıqlandırılıb.

Beynəlxalq Mədəniyyət, Turizm və Təhsil Sərgisi Azərbaycanın mədəni irsinin, turizm imkanlarının və milli dəyərlərinin Cənubi Amerika ictimaiyyətinə tanıdılması baxımından əhəmiyyətli tədbirlərdən biri olub.

Müəllif: Malik Məlikov (Milli.Az redaktor)