Dünya

Çindən sensasion qərar - uyğurların türklərə aidiyyəti yoxdur

23 İyul 2019 23:27
1 Şərh     Baxış: 1 525

Çinin Sintszyan-Uyğur Muxtar Rayonunda yaşayan uyğurlarla türklərin heç bir bağlılığı yoxdur.

Milli.Az Sputnik Azərbaycan-a istinadən bildirir ki, bu barədə Çin Xalq Respublikasının mətbuat dəftərxanası tərəfindən dərc olunan Ağ kitab adlı hesabatda bildirilir.
"Uyğurların türklərlə bir bağlılığı yoxdur, əksinə, tarixin erkən dönəmində türklərdən zərər gördülər və 10-cu əsrə qədər türk qəbilələrinin hücumlarına məruz qaldılar. Bundan əlavə, Şərqi Türküstan adlı dövlət heç bir vaxt mövcud olmayıb", - deyə hesabatda bildirilir.

Bundan əlavə, Ağ kitabda qeyd olunur ki, Çinin Sintszyan-Uyğur Muxtar Rayonunda uyğurlar İslam dinini könüllü şəkildə seçməyiblər: "Sintszyan-Uyğur Muxtar Rayonuna İslamın nüfuz etməsi Ərəb xilafətinin çiçəklənməsi və İslamın Qərbdən Şərqə yayılması ilə bağlıdır. Uyğurların İslam dininə keçməsi xalqın könüllü seçimi yox, dini zəmində müharibələrin nəticələri və hakim təbəqənin məcburi qərarları nəticəsində baş verib".

Qeyd olunur ki, bu məcburiyyət uyğurların İslam qaydalarına əməl etməyə dair hüquqlarını pozmur, lakin bu, tarixi fakt olaraq qalır.

"İslam uyğurların qədim və tək dini deyil", - deyə Ağ kitabda bildirilir.

Xatırladaq ki, 2018-ci ildə BMT-nin irqi diskriminasiyanın məhv edilməsi komitəsinin ekspertlərinin dərc etdiyi hesabatda Çin hakimiyyətinin siyasi-ideoloji düşərgələrdə saxladığı uyğur türklərinin sayı 1 milyona çatıb. Çin Xarici İşlər Nazirliyi isə bəyan edib ki, uyğurların siyasi-ideoloji düşərgələrdə saxlanılması barədə xəbərlər həqiqəti əks etdirmir.

Çində 56 etnik qrupdan 10-nu müsəlmanlar təşkil edir. Hui (çinli müsəlmanlar), qırğız, qazax, uyğur, tacik, tatar, özbək, salar, Baoan və Dongşiang etnik azlıqları Çinin qərb və cənub-qərbində yaşayırlar.

Milli.Az

loading...

Şərh yaz:

1 Şərh:

  • Anonim
    Roya · 24 İyul 07:4711

    Uyğurlar Türk deyillerse niye onlardan bu qeder qorxursuz?ve bunun üçün hemişe onları nezaretde hetta yuxarda qeyd edildiyi kimi 1 milyondan çoxuna heps heyatı yaşadırsız.Sizin indi işe saldığınız planı(Uyğurlar Türk deyiller)SSRİ 70 il bize qarşı işletdi.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.