Dünya

Pompeo: Myanma hücumlarının məsuliyyətini təhlükəsizlik qüvvələri daşıyır - FOTO

27 Avqust 2018 17:20

0 Şərh Baxış: 1 606

VTB-də minimal faiz dərəcəsi ilə nağd kredit 9.9%-dən

#MYANMAR

ABŞ dövlət katibi Amerikanın Myanmada Rohinca müsəlmanlarına qarşı etnik təmizləməyə görə hesab verilməsi tələbini davam etdirəcəyini deyib.

Mayk Pompeonun bəyanatı Myanmada müsəlmanlara qarşı zorakılıqlarının ildönümünə təsadüf edir.

"Bir il öncə öldürücü hücumların məsuliyyətini təhlükəsizlik qüvvələri daşıyır. Ordu Birmada demokratiya naminə insan haqlarına hörmət göstərməlidir" - deyə, Pompeo Twitter hesabında yazıb.

Milli.Az "Amerikanın səsi"nə istinadən bildirir ki, 2017-ci ilin avqustunda Birmada (Myanma) zorakılıq başlayandan bir ayın içində azı 6 min 700 Rohinca müsəlmanı öldürülüb.

626 mindən çox Rohinca müsəlmanı qonşu Banqladeşə qaçıb.

Etnik mülki əhaliyə qarşı qəddarlığı yalnız son zamanlar baş verən hadisə deyil. Oxşar hadisələr daha öncə də baş verib.

Myanma ordusunun Şan vilayətindəki 300,000-dən çox mülki vətəndaşı köçürməsi kampaniyasından 20 ildən çox vaxt keçib.

Lakin qəddar hərbi hücumlar növbəti illərdə də davam etdi və Şan vilayəti də daxil olmaqla digər ərazilərdə də minlərlə insanın köçürülməsi ilə nəticələndi.

Milli.Az