Dünya

20 min müəllim işdən qovuldu - 10-cu sinif testini keçə bilməyiblər - FOTO

14 Noyabr 2017 11:54

3 Şərh Baxış: 2 361

VTB-də minimal faiz dərəcəsi ilə nağd kredit 9.9%-dən

#DÜNYADA #CƏMİYYƏT #NİGERİA

10-cu sinif şagirdlərinin bilik səviyyəsində hazırlanan testi keçə bilməyən 20 min müəllim işdən çıxarılıb.

Milli.Az xarici mətbuata istinadla xəbər verir ki, Nigeriyada 20 mindən çox müəllim imtahandan kəsildikləri üçün işdən qovulublar.

Ölkə prezidenti Muhammadu Buhari 20 min müəllimin imtahandan keçə bilməməsini faciə adlandırıb.

"Bu, çox ciddi məsələdir ki, müəllimlər imtahandan keçə bilmirlər, amma şagirdlərindən imtahandan keçməyi tələb edirlər. 20 min müəllimin imtahandan kəsilməsi faciədir".

İmtahanların keçirildiyi Kaduna şəhərinin valisi Mallam Nasir Ahmad El-Rufai müəllimlərdən bir neçəsinin test nəticələrini sosial şəbəkədə paylaşıb və qeyd olaraq "İmtahan nəticələri belə olan birinin övladlarınıza nəsə öyrətməsinə razı olarsınız?" yazıb.

Vali bildirib ki, imtahandan 75 faizdən aşağı nəticə göstərən müəllimlər işdən qovulublar. Lakin onlar yenidən imtahanda iştirak edib, yüksək nəticə əldə etsələr, işə qəbul ola bilərlər.

Emin
Milli.Az

Digər maraqlı xəbərlər Milli.Az-ın Facebook səhifəsində