Dünya

Qəzzafi Nyu-Yorka qatillər yollayıb? - FOTO

18 Aprel 2011 20:01
Baxış: 153
VTB-də minimal faiz dərəcəsi ilə nağd kredit 9.9%-dən
Milli.Az xəbər portalı WND-yə istinadən bildirir ki, Liviyanın BMT-dəki səfirinin sabiq müavini, vəzifəsindən istefa verərək müxalifət düşərgəsinə keçmiş İbrahim Dəbbasinin dediyinə görə, həyatı real təhlükə altındadır.

"Liviya lideri Müəmmar Qəzzafi məni aradan gtürmək üçün Nyu-Yorka muzdlu qatillər yollayıb. Bununla bağlı dəqiq məlumatlarım var", - Dəbbasi söyləyib.

Onun sözlərinə görə, Qəzzafinin sui-qəsdlə qətlə yetirmək əmri verdiyi digər diplomat isə Liviyanın BMT-dəki daimi nümayəndə heyətinin rəhbəri Əbdel Rəhman Məhəmməd Şəlkamdır.

"Belə hədələrə baxmayaraq, Qəzzafidən qorxmuruq. Onun mənfur rejimi və cinayətləri barədə həqiqətləri dünyaya yaymağa davam edəcəyik. Qəzzafinin dünyanın müxtəlif ölkələrində milyardlarla dolları və tonlarla qızılı var. Bizi qətlə yetirmək üçün muzdlu qatillər tutmaq onun üçün problem deyil", - Dəbbasi deyib.

O, Qəzzafinin hakimiyyətini saxlamaq üçün xalqına qarşı kimyəvi silahdan istifadə edə biləcəyini də söyləyib.

Liviyada isə Qəzzafiyə sadiq qoşunlarla üsyançılar arasında gərgin döyüşlər davam edir. Bu gün Əcabiyyə şəhərinin raket-bomba atəşinə tutulması nəticəsində onlarla üsyançı yaralanıb.

Əcabiyyə şəhər hospitalındakı həkimlərin dediklərinə görə, yaralıların sayı durmadan artır və onların əksəriyyətinin vəziyyəti ağırdır.

Milli.Az





















Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.