Dünya

Qısqanc ər bazarda arvadını bıçaqlayaraq öldürdü

13 Oktyabr 2014 11:00
0 Şərh     Baxış: 1 157
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#DÜNYADA #HADİSƏ #KRİMİNAL
Tacikistanın şimalında kişi bazara gələnlərin gözü qarşısında arvadını bıçaqlayaraq qətlə yetirib.

Trend-in məlumatına görə, bu barədə "İnterfaks" bazar ertəsi Tacikistan DİN-in mətbuat xidmətinə istinadən xəbər yayıb.

Məlumatda bildirilir ki, qısqanclıq zəminində baş verən insident paytaxt Düşənbədən 310 kilometr şimal-şərqdə yerləşən Babacan Qafurov rayonunda qeydə alınıb:

"Əvvəllər məhkum olunmuş 27 yaşlı Siracəddin Bəhramov "Farovan" bazarında qısqanclıqla öz arvadını döyməyə başlayıb. Sonra o, qadına dörd bıçaq zərbəsi endirib".

Bazarda olan adamlar Bəhramova mane olmağa çalışsalar da, buna nail ola bilməyiblər: "Kişi yalnız bıçaqla zərbə endirməyi dayandırdıqdan sonra saxlanılıb. Qadın təcili tibbi yardım gələnədək vəfat edib".

S.Bəhramov həbs edilib. Ona qarşı xüsusi amansızlıqla qətl törətmək ittihamı irəli sürülüb.

2014-cü ilin yanvar-avqust aylarında Tacikistanda 76 qətl hadisəsi qeydə alınıb ki, bu da ötən ilin analoji dövründəkindən 5 faiz azdır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.