Türkiyə

Mərsində ağır yol qəzasında 10 nəfər ölüb, 30 nəfər yaralanıb - FOTO

26 May 2024 22:18

Baxış: 651

#TÜRKİYƏ

Türkiyənin Mərsin şəhərinin Tarsus rayonunun Yenicə qovşağında zəncirvari yol-nəqliyyat hadisəsində 10 nəfər ölüb, 30 nəfər yaralanıb.

Milli.Az report.az-a istinadən xəbər verir ki, bu barədə Mərsin valisi Ali Hamza Pehlivan açıqlayıb.

*****

Türkiyənin Mərsin şəhərinin Tarsus rayonunun Yenicə qovşağında zəncirvari yol-nəqliyyat hadisəsində azı 11 nəfər ölüb.

Milli.Az report.az-a istinadən xəbər verir ki, bu barədə İHA məlumat yayıb.

İHA müxbirinin sözlərinə görə, yerli vaxtla saat 19:45 radələrində (Bakı vaxtı ilə 20:45) Osmaniyyədən Mərsinə gedən şəhərlərarası sərnişin avtobusunun sürücüsü Tarsus-Adana arasındakı Yenicə qovşağında idarəetməni itirərək qarşı zolağa keçib. Sərnişin avtobusu yük və minik avtomobillərinə çırpılıb. Qəzadan sonra Mərsin və Adana istiqamətlərində nəqliyyatın hərəkəti dayanıb. Bölgəyə xilasetmə, təcili yardım və polis cəlb edilib.

İlkin məlumata görə, qəza nəticəsində azı 11 nəfər ölüb. Çoxlu sayda insan yaralanıb. Təcili tibbi yardım briqadaları yaralıları ətrafdakı xəstəxanalara çatdırır.

Milli.Az
Xəbərlərimizi WhatsApp kanalımızdan da oxuyun