Dünya

86 yaşlı Qabriel Qarsiya Markez: "Çox xoşbəxtəm"

5 Aprel 2013 18:03

0 Şərh Baxış: 622

VTB-də yüksək depozit faizleri daha çox qazandırır

#BUKET CHUVASHİİ BREWERY OJSC

O, ad gününü Meksikadakı evində ailəsi və dostları ilə birgə keçirib. Milli.Az "Azadlıq Radiosu"-na istinadən xəbər verir ki, böyük yazıçı 86 yaşında çox xoşbəxt olduğunu deyib.

Ad günü ərəfəsində Gabo üzündə təbəssüm, əynində narıncı köynək və boz kostyum, boğazında qalstuk öz evinin qarşısına çıxıb. Ona sarı qızılgüllərdən bağlanmış buket təqdim edilib (bu onun sevdiyi rəngdir).

1982-ci ilin Nobel mükafatçısı evinin qarşısına toplaşan jurnalistləri salamlayıb.

Yazıçının köməkçisi Genovevo Quiros və jurnalistlər dərhal "Happy Birthday" (Ad günün mübarək) mahnısını oxumağa başlayıblar.

Bu jestə görə jurnalistlərə təşəkkür edən Markez dönərək evinə girib.

Yazıçı Meksikaya 1961-ci ildə gəlib. İlk olaraq orada iki həftə qalmağı planlaşdırıbmış. Amma Meksikaya elə heyran olur ki, orada yaşamağa qərar verir. Markez məşhur "Yüz ilin tənhalığı" romanını da burada yazıb.

Son illər yazıçının səhhətinin pisləşdiyi deyilirdi.

Yazıçının qardaşı Jaime Qarsiya Markez bir müddət əvvəl bildirmişdi ki, Gabo demensiya xəstəliyindən əziyyət çəkir. "Tez-tez mənə zəng edərək adi məsələlərlə bağlı suallar verir. Onun yaddaşla bağlı problemləri var. Bəzən mən ağlayıram, çünki hiss edirəm ki, onu itirirəm". Qardaşı bildirir ki, Gabo yazmağı bütünlüklə dayandırıb: "O, fiziki olaraq yaxşı vəziyyətdədir, lakin demensiyadan uzun zamandır ki, əziyyət çəkir. Onun həmişə olduğu kimi, indi də yumor hissi, sevinc və entuazmı qalmaqdadır".

Demensiya - ağlın zəifləməsi, əvvəllər əldə edilmiş bilik və vərdişlərin, həyat keyfiyyətlərinin bu və ya digər dərəcədə itirilməsi, yenilərinin isə əldə edilməsinin mümkünsüzlüyü ilə xarakterizə olunan patoloji haldır.

Milli.Az