Dünya

6 min insanın axtardığı balaca qəhrəman: Xizirin cansız bədəni tapıldı

22 İyun 2026 20:43

Baxış: 519

VTB-də minimal faiz dərəcəsi ilə nağd kredit 9.9%-dən

#DÜNYADA

İnquşetiyada iyunun 15-də Sunja çayının axınının apardığı 8 yaşlı Xizir Dərbiçevin meyiti tapılıb.

Milli.Az qafqazinfo-ya istinadən xəbər verir ki, bu barədə Fövqəladə Hallar Nazirliyinin regional Baş İdarəsi məlumat yayıb.

"Uşağın meyiti saat 16:50-də aşkar edilib. Nəticədə Böhran Vəziyyətlərində İdarəetmə Mərkəzinin rəisi Əhməd Yevloyev axtarış-xilasetmə işlərinin yekunlaşdığını rəsmən elan edib", - məlumatda deyilir.

Qeyd edək ki, 8 yaşlı Xizir Dərbiçev dostu Adəmi xilas etmək üçün Sunja çayına atılıb. Yaxınlıqda olan başqa bir oğlan kömək istəməyə qaçıb. Adəm xilas edilsə də, Xiziri güclü axın aparıb. İnquşetiya və Çeçenistanda aparılan axtarış əməliyyatlarına xilasedicilər, könüllülər, fövqəladə hallar xidmətinin əməkdaşları və Qafqaz regionundan yerli sakinlər də daxil olmaqla 6 mindən çox insan səfərbər edilib.

Müəllif: Ülkər Vəliyeva (Milli.Az redaktor)