Dünya

ABŞ İranın bu şərti ilə razılaşdı

11 Aprel 2026 14:58

Baxış: 3 405

VTB-də minimal faiz dərəcəsi ilə nağd kredit 9.9%-dən

ABŞ Pakistan ərazisində İranla aparılan danışıqlar zamanı Tehranın Qətərdə və digər xarici banklarda saxlanılan aktivlərinin dondurulmasının ləğvinə razılıq verib.

Milli.Az xarici mətbuata istinadən xəbər verir ki, bu İranın gəmilərin Hörmüz boağzından təhlükəsiz keçidini nə dərəcədə təmin edəcəyindən asılı olacaq. Bildirilir ki, bu İslamabadda keçiriləcək İran-ABŞ danışıqlarının gündəliyində əsas məsələlərdən biridir.

Pakistan paytaxtında danışıqların iki formatda - vasitəli və birbaşa formatlarda keçirilməsi nəzərdə tutulur. İlk növbədə, tərəflər Pakistandan olan nümayəndələr vasitəsilə müzakirələrin gündəliyini təsdiqləyəcək. Daha sonra Vaşinqton və Tehran nümayəndələri arasında birbaşa danışıqlar başlayacaq.

Birbaşa danışıqların Bakı vaxtı ilə 16:00-da start götürəcəyi bildirilir.

Milli.Az