Dünya

Sui-qəsdə uğradığı deyilirdi, marketdə görüntüləndi - VİDEO

6 Yanvar 2026 11:03

Baxış: 1 141

VTB-də minimal faiz dərəcəsi ilə nağd kredit 10.49%-dən

#VİDEO #SURİYA

Suriya prezidenti Əhməd Şaraya qarşı sui-qəsd cəhdi ilə bağlı yayılan iddialar rəsmi qurumlar tərəfindən təkzib edilib. Suriya Daxili İşlər Nazirliyinin sözçüsü Nurəddin əl-Baba iddiaları "tamamilə əsassız" adlandıraraq, prezidentin təhlükəsizliyi ilə bağlı hər hansı insidentin baş vermədiyini açıqlayıb.

Milli.Az xəbər verir ki, iddialardan qısa müddət sonra prezident Şara paytaxt Dəməşqdəki bazarlardan birində supermarketdə alış-veriş edərkən görüntülənib.

Yayımlanan görüntülərdə onun sakit şəkildə gündəlik alış-veriş etdiyi görünür.

Daxili İşlər Nazirliyinin sözçüsü Nurəddin əl-Baba Telegram hesabında verdiyi açıqlamada, prezidentə və bəzi yüksək vəzifəli şəxslərə qarşı guya təhlükəsizlik hadisəsinin baş verdiyi barədə yayılan xəbərlərin saxta mənbələrə əsaslandığını bildirib və mediaya yalnız rəsmi məlumatlara istinad etmə çağırışı edib.

Bazar işçilərindən biri bildirib ki, prezident bazarda yeni dövriyyəyə buraxılmış Suriya lirəsi əskinasları ilə bağlı vətəndaşların problemlərini dinləyib: "Ödənişi şəxsən özü etdi. Verdiyi pulu xatirə olaraq saxlayacağam," deyə qeyd edib.

Həmin görüntüləri təqdim edirik:

Fidan
Milli.Az