Dünya

Rusiyanın məşhur şirkətinin informasiya sistemi dağıdıldı

28 İyul 2025 15:43

Baxış: 821

VTB-də yüksək depozit faizleri daha çox qazandırır

#DÜNYADA

Rusiyanın "Aeroflot" aviaşirkətinin informasiya sistemi kiberhücum nəticəsində fəaliyyətini dayandırıb.

Milli.Az xəbər verir ki, bu barədə lenta.ru portalı məlumat verib.

Bildirilir ki, hakerlər Şeremetyevo aeroportunun sisteminə hücum edərək onlarla daxili və beynəlxalq reysin ləğv olunmasına səbəb olublar.

Hücumun məsuliyyətini iki haker qrupu üzərinə götürüb və Rusiya mətbuatı onların ukraynalı olduğunu iddia edir.

"Aeroflot" səhər saatlarında sistemlərdə problem yarandığını təsdiqləyib və sərnişinlərdən hava limanının rəsmi internet saytları və səsgücləndiricilər vasitəsilə verilən məlumatları izləməyi xahiş edib. Şirkət əlavə edib ki, mütəxəssislər uçuşların təhlükəsizliyini təmin etmək və xidmətləri tezliklə bərpa etmək üçün çalışırlar.

Hücumun nəticələri və tədbirlər

Nasazlıq səbəbindən Moskvadan bir çox reys ləğv olunub və ya gecikir. Ləğv edilən uçuşlar arasında Həştərxan, Qroznı, Yekaterinburq, İrəvan, Kalininqrad, Kazan, Mineralnıye Vodı, Sankt-Peterburq, Stavropol, Soçi və digər istiqamətlər var. Daha yeddi uçuş isə gecikməkdədir.

Sərnişinlərə tövsiyə olunub ki, aeroportdakı sıxlığın qarşısını almaq üçün Şeremetyevo hava limanını tərk etsinlər. Həmçinin, yaxın 10 gün ərzində ləğv edilən reyslər üçün bilet pullarını geri almaq və ya yenidən bron etmək mümkündür, lakin aeroport kassalarında müvəqqəti məhdudiyyətlər mövcuddur.

Rəsmi orqanların reaksiyası

Hadisə Rusiya nəqliyyat prokurorluğunun diqqətini çəkib və mövzu ilə bağlı araşdırma aparılır.

Kənan
Milli.Az