Sağlamlıq

"Bu orqanlarda xərçəng səssiz inkişaf edir"

28 İyul 2025 19:00
Baxış: 1 535
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Bəzi orqanlarda xərçəng səssiz inkişaf edir.

Milli.Az bildirir ki, bu barədə onkoloq Yevgeni Çeremuşkin xəbərdarlıq edib.

O, bəzi orqanlarda şişlərin simptomsuz və uzun müddət gizli inkişaf etdiyini bildirib. O deyib ki, dəri üzərində yaranan yaralar və düyünlər asanlıqla görünə bilir, lakin qaraciyər, mədəaltı vəzi və böyrək kimi dərin orqanlarda xərçəng pasiyent tərəfindən uzun müddət hiss olunmaya bilər.

Çeremuşkin əlavə edib ki, bu hal beyin şişlərinə də aiddir - ilkin mərhələlərdə heç bir əlamət görünməyə bilər. Vaxtında diaqnoz qoyulması üçün o, hər kəsə mütəmadi tibbi müayinələrdən keçməyi, sidik və qan analizləri verməyi, USM, MRT müayinələri etdirməyi tövsiyə edib. Onun sözlərinə görə xəstəlik tarixçəsinin dəqiq aparılması və mümkün risklərin izlənməsi vacibdir. Onkoloq nümunə olaraq ağciyər xərçəngi riski yüksək olan şaxtaçıları göstərib.

Çeremuşkin bundan əvvəl də yay istirahətinin xərçəng riskini artırdığı barədə xəbərdarlıq etmişdi. Onun sözlərinə görə, günəş şüalarının yayda daha intensiv olması, həmçinin uzunmüddətli günəşə məruz qalmaq immun sistemini zəiflədir, səyahətlər və saat qurşağının dəyişməsi isə bu yükü daha da artırır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.