Cəmiyyət

Avtomobil almağa tələsməyin: Bazarda durğunluq nəyə işarədir? - AÇIQLAMA

28 İyul 2025 21:17

Baxış: 1 386

VTB-də minimal faiz dərəcəsi ilə nağd kredit 9.9%-dən

#SATİS #AVTOMOBİL

Avtomobil bazarında müşahidə olunan durğunluq nəinki satıcıları, həmçinin alıcıları da narahat edir.

Bəs alıcı sayı niyə azalıb?

Milli.Az xəbər verir ki, mütəxəssislər bunu onlayn satış platformalarının artması ilə əlaqələndirirlər. Onlar hesab edir ki, bu format klassik satış metodunu tam əvəz edə bilmir.

Satıcıların sözlərinə görə, insanlar maşınları şəkildən yox, canlı yerindən gəlib görüb seçməkdə maraqlıdırlar. Bəzi satıcılar isə saytlardan maşınları satmağın daha rahat olduğunu bildirirlər:

"Bazar vaxt itkisidir. Saytlarda daha sürətli satılır".

Nəqliyyat məsələləri üzrə ekspert Eldəniz Cəfərov məsələ ilə bağlı bildirir ki, avtomobil satışı elə sahədir ki, burda sayt, onlayn platformalar keçici tendensiyadır:

"İnsanlar daha çox maşınlara baxıb almağa üstünlük verirlər. Onu idarə edərək yoxlayıb daha sonra qərar verməyə maraqlıdırlar".

Qeyd edək ki, avtomobil bazarında durğunluq bunu göstərir ki, əvvəllər bir həftəyə satılan avtomobil indi aylarla alıcısını gözləyir.

Aysel Əkbər
Milli.Az