Dünya

“Kartofla zarafat etmək olmaz!” - Lukaşenko əsəbiləşdi - VİDEO

19 İyul 2025 07:35
Baxış: 1 407
VTB-də minimal faiz dərəcəsi ilə nağd kredit 9.9%-dən
#VİDEO #BELARUS

Belarus Prezidenti Aleksandr Lukaşenko fermerləri və məmurları kartof yığımı ilə bağlı "zarafat etməməyə" çağırıb.

Milli.Az qafqazinfo-ya istinadən xəbər verir ki, məsələ ilə bağlı müşavirədəki çıxışını Belarus liderinin mətbuat xidmətinə yaxın olan "Pul Pervoqo" teleqram kanalı yayıb.

"Allah eləməsin ki, mənə hesabat versinlər ki, siz kartofu yetişdirməmisiniz. Və biz gələn il mart-aprel aylarında yenə narahat olacağıq ki, kartofumuz çatmadı", - Belarus lideri xəbərdarlıq edib.

O əlavə edib ki, narahatlığına baxmayaraq, ölkədə kartof istehsalının "onu necə yetişdirəcəyini bildiyi" fərdi təsərrüfatlarda cəmlənməsi onu arxayın edir. O, məsələ ilə bağlı respublikanın kənd təsərrüfatı və ərzaq naziri Yuri Qorlova müraciət edib.

Lukaşenko kartof yığımı məsələsinə ciddi yanaşmağı tələb edib:

"Bu gün zarafat etmək olmaz! Keçən il zarafat etmişdik - əhalidən qulağımızın dibinə şillə aldıq. Biz isə prezidentdən tutmuş rayon icra komitələrinin sədrlərinə qədər özümüzə haqq qazandırmağa çalışdıq ki, Rusiyada kartof 3 dəfə bahadır - ora ixrac olunurdu".

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.