Dünya

Kolumbiya ABŞ-nin “Amerika Qalxanı” alyansına qoşulur

8 Avqust 2026 17:47
Baxış: 315
VTB-də minimal faiz dərəcəsi ilə nağd kredit 9.9%-dən

Kolumbiyanın yeni Prezidenti Abelardo de la Espriella ölkəsinin ABŞ tərəfindən yaradılmış "Amerika Qalxanı" alyansına qoşulacağını bəyan edib.

Milli.Az xəbər verir ki, dövlət başçısı avqustun 7-də keçirilən andiçmə mərasimindəki ilk çıxışında bu barədə danışıb: "Mərasimdən sonra icra edəcəyim ilk vəzifələrdən biri "Amerika Qalxanı" müqaviləsini imzalamaq olacaq. Bu təşəbbüs bizə güclü tərəflərimizi birləşdirməyə, strateji məlumat mübadiləsi aparmağa və milli, eləcə də regional təhlükəsizliyə yönələn təhdidləri aradan qaldırmaq üçün azad millətlərin kollektiv səylərini gücləndirməyə imkan verəcək".

Prezident qərarını Kolumbiyanın digər dövlətlər kimi qlobal cinayətkar strukturlarla təkbaşına mübarizə apara bilməyəcəyi ilə əsaslandırıb. O, həmçinin əlavə edib ki, onun hökuməti dünyanın bütün ölkələri ilə qarşılıqlı hörmətə əsaslanan əlaqələri gücləndirəcək, mövcud azad ticarət müqavilələrini inkişaf etdirəcək və yenilərinin imzalanmasını təşviq edəcək.

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.