Dünya

Öz xəstəsi ilə evlənmək istəyən qadın psixiatrın başına İŞ GƏLDİ

17 Aprel 2025 02:02

Baxış: 2 414

VTB-də minimal faiz dərəcəsi ilə nağd kredit 9.9%-dən

#TOY #İTALİYA #PSİXOLOGİYA

İtaliyanın Palermo şəhərində qadın psixiatr bir müddət əvvəl özünün xəstəsi olan 54 yaşlı kişi ilə evlənmək üzrə olub. Lakin toy baş tutmayıb.

Milli.Az oxu.az-a istinadən xəbər verir ki, bu barədə "Today.it" nəşri yazıb.

Məlumata görə, cütlük nikah hazırlığında olub və mərasimdən əvvəl də hər şey qaydasında gedib. Lakin toy ərəfəsində bəy qohumların və dostların gələcək ailəyə verdikləri pulların içində olduğu zərfləri götürərək yoxa çıxıb.

Polis bəyi onun mobil cihazındakı geolokasiya vasitəsilə izləyib. Kişi saxlanılıb, pullar ondan geri götürülüb və ifadəsi alınıb. O etiraf edib ki, qaçmazdan bir müddət əvvəl gələcək həyat yoldaşı ilə onların keçmişini, həmçinin dəvət olunan qonaqların siyahısını müzakirə edib. Bu isə ona olduqca böyük gərginlik gətirib və kişi öz emosiyalarının öhdəsindən gələ bilməyib, problemlərin ən məqbul həlli kimi də evdən çıxmağı seçib.

Nəşrin qeyd etdiyinə görə, belə bir hadisədən sonra cütlüyün barışıb-barışmadığı və toyun baş tutub-tutmayacağı barədə məlumat yoxdur.

Milli.Az