Dünya

ABŞ-ın iqtisadi gələcəyi təhlükədə

14 Aprel 2025 14:19
Baxış: 710
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ #DONALD TRAMP

ABŞ prezidenti Donald Trampın "ticarət müharibəsi" siyasəti ictimai dəstəyi itirməyə başlayıb.

Milli.Az xəbər verir ki, CBS News-un yayımladığı son sorğunun nəticələrinə görə, Trampın iqtisadi siyasətinə dəstək ötən iki həftə ərzində 4 faiz azalaraq 44 faizə düşüb.

Milli.Az xarici mənbəyə istinadla xəbər verir ki, Trampın inflyasiyaya yanaşmasına dəstək isə 40 faiz olaraq qeyd olunub ki, bu da mart ayı ilə müqayisədə 4 bənd azalma deməkdir. Ümumilikdə Trampa dəstək martda 50, fevralda isə 53 faiz ikən, son sorğuda bu rəqəm 47 faizə enib.

Trampın Çin və digər ölkələrə qarşı tətbiq etdiyi gömrük tarifləri ABŞ iqtisadiyyatında qeyri-müəyyənlik yaradıb. Respondentlərin 58 faizi yeni tariflərin alış-veriş zamanı qiymətləri artırdığını bildirib. Yalnız 18 faiz tariflərin qiymətləri aşağı salacağına inanır. Həmçinin, 49 faiz iqtisadi vəziyyətlərinin pisləşdiyini qeyd edib.

Qeyd edək ki, Tramp aprelin 9-da bəzi ölkələr üçün tarifləri 10 faizə endirəcəyini və 90 gün ərzində "qarşılıqlı tarifləri" dayandıracağını bildirsə də, ictimai narahatlıq davam edir. Çin isə ABŞ-ın cavab rüsumlarına qarşı 125 faiz tarif tətbiq edəcəyini açıqlayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.