Dünya

Ukraynada 32 nəfərin ölməsinə Trampdan bir sözlük reaksiya

14 Aprel 2025 10:10

Baxış: 1 010

VTB-də minimal faiz dərəcəsi ilə nağd kredit 10.49%-dən

#DÜNYADA #DONALD TRAMP #RUSİYA-UKRAYNA MÜHARİBƏSİ

Rusiya raketlə Sumi şəhərini vurub.

Milli.Az xəbər verir ki, Ukrayna Dövlət Fövqəladə Hallar Xidmətinin (DSNS) Telegram hesabında verilən məlumata görə Rus ordusunun Sumi şəhərinə endirdiyi ballistik raket zərbəsində 32 nəfər həlak olub, 99 nəfər yaralanıb. Məlumatda qeyd olunub ki, hadisə yerində axtarış-xilasetmə işləri davam etdirilir və yaralılar arasında 11 uşaq da var.

ABŞ Prezidenti Donald Tramp "Air Force One" təyyarəsində jurnalistlərlə söhbətində bu hücuma reaksiya verib. Ona Rusiyanın Sumi şəhərinə hücumu barədə sual verildikdə Tramp "Dəhşətli idi" - deyə cavab verib.

Müharibənin bütövlükdə "iyrənc şey" olduğunu deyən Tramp əlavə edib: "Əgər prezident mən olsaydım, bu ölkə heç vaxt müharibəyə sürüklənməzdi. Bu müharibə utancvericidir."

O, müharibənin başlamasında məsuliyyətin Co Baydendə olduğunu bildirərək deyib: "Bu, mənim müharibəm deyil. Bu, Baydenin müharibəsidir. Mən sadəcə onu dayandırmağa və çoxlu sayda insan həyatını xilas etməyə çalışıram."

İsmayıl
Milli.Az