Dünya

İranın şimalında güclü yanğın başladı

18 Mart 2025 09:45
Baxış: 799
VTB-də minimal faiz dərəcəsi ilə nağd kredit 9.9%-dən
#IRAN #YANĞIN

İranın Mazandaran vilayətində meşə yanğını davam edir

Milli.Az xəbər verir ki, İranın şimalında, Mazandaran vilayətinin Çalus rayonunda meşəlik ərazidə başlayan yanğın hələ də söndürülməyib. Yanğının qarşısının alınması istiqamətində yerli qüvvələr intensiv iş aparsalar da, alovun yayılmasının qarşısını tam olaraq almaq mümkün olmayıb.

Mazandaran Təbii Sərvətlər və Su Ehtiyatları İdarəsinin baş direktoru Mehrdad Xəzayinin yerli mediaya verdiyi məlumata görə, ötən gün axşam saatlarında yanğın müvəqqəti nəzarətə götürülsə də, daha sonra yenidən alovlanıb. Ərazinin keçilməz olması yanğınsöndürmə işlərini çətinləşdirir. Bu səbəbdən hadisə yerinə helikopter cəlb edilməsi üçün müraciət olunub.

Mütəxəssislər bildirirlər ki, Mazandaran vilayətinin Çalus rayonunda ümumilikdə 156 min hektar meşə sahəsi mövcuddur. Yanğının daha geniş ərazilərə yayılmasının qarşısını almaq üçün təcili tədbirlər görülməsi vacibdir. Hazırda yanğınsöndürənlər alovla mübarizəni davam etdirirlər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.