Dünya

Yunanıstan Ermənistana S-300 zenit-raket kompleksləri verir? - RƏSMİ AÇIQLAMA

12 Fevral 2025 15:03

Baxış: 509

#ERMƏNİSTAN #YUNANISTAN

Yunanıstanın Milli Müdafiə Naziri Nikos Dendias, Ermənistana "S-300" zenit-raket komplekslərinin verilməsi ilə bağlı planların olduğunu iddia edən məlumatları təkzib edib.

Milli.Az oxu.az-a istinadən xəbər verir ki, Dendias, 2024-cü ilin dekabr ayının ortalarında "Yunan həlli" partiyasının lideri Kiriakos Velopulosun parlament sorğusuna cavab verib.

"Müvafiq suala cavab olaraq bildirirəm ki, zenit silah sistemlərinin üçüncü ölkələrə verilməsi ilə bağlı heç bir qərar qəbul edilməyib. Hər halda, Müdafiə Nazirliyinin siyasətində əsas meyar Yunanıstan ərazisinin hər hansı bir nöqtəsində ölkənin müdafiə qabiliyyətinin tam şəkildə qorunub saxlanılmasıdır", - Dendias bildirib.

Xatırladaq ki, daha əvvəl enikos.gr portalı Yunanıstanın Ermənistana "S-300", "TOR-M1" və "Osa-AKM" zenit-raket komplekslərini təhvil verəcəyi barədə məlumat yayıb.

Milli.Az