Dünya

"Starbucks" yeni CEO-suna 96 milyon dollar maaş ayırdı

1 Fevral 2025 13:36
Baxış: 846
VTB-də minimal faiz dərəcəsi ilə nağd kredit 9.9%-dən
#DÜNYADA #ABŞ

"Starbucks" korporasiyası yeni baş direktoru Braian Nikolla 2024-cü ildə cəmi dörd aylıq iş müddətində 96 milyon dollar dəyərində maaş paketi təqdim edib. 

Milli.Az xəbər verir ki, bu, ABŞ korporativ sektorunda ən yüksək maaşlardan biri hesab olunur.

Nikollun məvacibinin təxminən 94%-i performansa bağlı olan və üç il ərzində mərhələli şəkildə veriləcək səhm mükafatlarından ibarətdir. O, həmçinin şirkətdəki ilk ayından sonra 5 milyon dollarlıq imza bonusu alıb. Nikoll "Starbucks"a 2024-cü ilin sentyabrında, satışların azalması fonunda əvvəlki baş direktorun işdən çıxarılmasından sonra qoşulub.

Daha əvvəl "Chipotle Mexican Grill" şirkətində çalışan Nikoll, "Starbucks"ın fəaliyyətini yenidən canlandırmaq üçün işə cəlb edilib. Şirkət ondan Sietl şəhərinə köçməsini tələb etməsə də, müvəqqəti yaşayış xərclərini və şəxsi uçuşlarını ödəyib. O cümlədən, Sietl ilə Cənubi Kaliforniyadakı evi arasında həyata keçirilən səfərlər üçün 72 min dollar ayrılıb.

"Bloomberg" onun illik maaş paketini 113 milyon dollar dəyərində qiymətləndirib ki, bunun da əhəmiyyətli hissəsi əvvəlki iş yerində itirdiyi səhm mükafatlarının əvəzini çıxmağa yönəldilib.

Nikoll ABŞ-də ən yüksək maaş alan 20 baş direktor arasında yer alır. "Starbucks" onu "böyük tələbat olan lider" kimi qiymətləndirərək, şirkətin böyüməsinə töhfə verəcəyinə inandığını bildirib./valyuta.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.