PUL
.jpg)
.jpg)
ABŞ Prezidenti Co Bayden və Ukrayna Prezidenti Volodimir Zelenski cümə günü telefonla danışaraq Ukrayna və Rusiya arasındakı münaqişənin son inkişaflarını müzakirə ediblər.
Milli.Az xəbər verir ki, bu barədə Zelenski X platformasında paylaşım edib.
Ukrayna dövlət başçısı bildirib ki, liderlər "Ukrayna şəhər və kəndlərindəki insan həyatını Rusiya terrorundan - gündəlik raket və dron hücumlarından qorumaq üçün hava hücumundan müdafiəmizi gücləndirmək zərurətini" müzakirə ediblər.
Bundan əlavə, Zelenski ABŞ-ın Rusiya enerji sektorunu hədəf alan son sanksiyalar paketinin əhəmiyyətini vurğulayıb. "Bu sanksiyaların artıq Rusiyanın gizli tanker donanmasını və Gazprom Neft, Surgutneftegaz kimi əsas şirkətləri hədəf alması mühümdür. Bu şirkətlər birbaşa olaraq Putinə vəsait ötürür." - deyə Zelenski qeyd edib.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
