Dünya

Əsədin arvadı Britaniyaya köçür? - FOTO

23 Dekabr 2024 19:31

Baxış: 471

#DÜNYADA #SURİYA #AİLƏ #YAXIN ŞƏRQ #BRİTANİYA #MOSKVA

Xəbər verdiyimiz kimi, Suriyanın keçmiş prezidenti Bəşər Əsədin həyat yoldaşı Əsma Əsəd üsyançıların Dəməşqi ələ keçirməsindən sonra Moskvadakı həyatından narazı qalaraq boşanmaq üçün məhkəməyə müraciət edib.

Əsədin arvadı Moskvada xərçəngdən müalicə alır

Milli.Az xarici mediaya istinadlla xəbər verir ki, Əsma Əsəd Rusiya məhkəməsindən Moskvanı tərk etmək üçün xüsusi icazə istəyib. Məqalədə onun Böyük Britaniyaya köçməyi planlaşdırdığı qeyd olunur.

Bununla belə, TASS-ın xəbərinə görə, Rusiya prezidentinin mətbuat katibi Dmitri Peskov bu iddiaları təkzib edib. O, Əsma Əsədin boşanması, əmlakının dondurulması və ölkədən çıxışına qadağa qoyulması barədə yayılan xəbərlərin əsassız olduğunu bildirib.

Xatırladaq ki, əvvəllər Londonda doğulan və bank sektorunda karyera qurmuş Əsma Əsəd Bəşər Əsədlə evləndikdən sonra Suriyaya köçüb. Son vaxtlar onun Moskvadakı həyatından məmnun olmadığı və Londona qayıtmaq istədiyi ilə bağlı iddialar yayılmışdı.

Fidan
Milli.Az