Ölkə

Bu il metroda 700-ə yaxın sərnişin eskalatordan yıxılıb - Rəsmi

22 Oktyabr 2026 19:53

Baxış: 388

VTB-də minimal faiz dərəcəsi ilə nağd kredit 9.9%-dən

#METRO

"Cari ilin yanvar-sentyabr ayları üzrə metroda eskalator və travolatorların dayanmaları ilə bağlı ümumilikdə 2 101 hal qeydə alınıb".

Bu barədə "Bakı Metropoliteni" QSC-dən Milli.Az-ın sorğusuna cavab olaraq məlumat verilib.

"Bu hallardan 101-i sərnişinlərin birbaşa səbəbsiz müdaxiləsi, 57-si sərnişinlərin xəsarətli, 629-u isə xəsarətsiz yıxılması ilə əlaqədar baş verib".

Açıqlamada qeyd olunub ki, "stop" açarının mühafizə örtüyü ilə təmin edilməsi eskalatorların sərnişinlər tərəfindən dayandırılması hallarının 7 dəfə azalmasına səbəb olub.

"Belə ki, eskalatorun zərurət olmadan dayandırılması 2025-ci ilin 9 ayı ərzində 726 hadisə baş veribsə, 2026-cı ilin eyni dövründə 101 hal qeydə alınıb. Ümumən 2025-ci ilin eyni dövrü ilə müqayisədə ümumi dayanmaların sayı cari ildə 493 ədəd azalıb", - deyə qurumdan bildirilib.

Müəllif: Ülkər Vəliyeva (Milli.Az redaktor)